LAN

Erronka bat jarri genion geure buruari: Alki izaera lukeen bulego aulki bat sortzea. Altzari-kategoria honetako kode ergonomikoak bete behar lituzke, Alki unibertsoari ere atxikita, egurraren berotasuna eta atxikimendu emozionala ezinbestekoak beraz.

Honen bidetik, ondoko erronka gehitu genion ariketari: Bulegoko aulkiak gustuko ez dituzten pertsonentzat bulegoko aulki bat sortzea

Ohartu ginen gure inguruko gero eta jende gehiagok gero eta estimu gutxiago zuela bulegoko aulkiekiko. Aulki hauen kode estetikoak tresna «ortopediko» baten antza handiagoa du inguru sano batetako altzaria baino. Gainera, adituen arabera bulegoko aulkietan izaten diren ajusteak gehienetan ez dira erabiltzen. Horretaz gain, kasu askotan bulegoko aulkiek erabiltzaileak maiz aldatzen dituztela kontuan hartzen bada, ideia interesgarria iruditu zitzaidan alferrikako funtzioak kentzea.

LAN aulkiaren ezaugarri funtzionalak ez dira nabarimengarriak: mekanismo nagusia adibidez eserlekuaren azpian izkutatua dago eta beso-euskarriek bizkarraldearen osagarri naturalak dira. Forma ahalik eta goxoena eman diogu, erabiltzailearekin kontaktu guneetan batik-bat. Hau guztia bulego giroan objektu atsegin eta eroso bat edukitzeko.